ត្បិតបើទើបផ្លាស់មកចូលរួមនៅ Juventus កាលពីរដូវក្តៅ ប៉ុន្តែខ្សែការពារ Matthijs de Ligt បានទទួលការចាប់អារម្មណ៍ពីសំណាក់ក្លឹបកំពូល Manchester United មួយបាត់ទៅហើយ ពោលគឺលោក Ole Gunnar Solskjaer ហាក់ពេញចិត្តខ្សែការពារសញ្ជាតិហូឡង់រូបនេះជាខ្លាំង។
តាមសារព័ត៌មាន ESPN បានចុះផ្សាយថាអ្នកចាត់ការនៅ Old Trafford ចង់បំបែកតម្លៃខ្លួនថ្មីក្នុងការនាំយកយុវជនលេងនៅតំណែងការពាររូបនេះ ចេញពីទឹកដី Turin។
យ៉ាងណាមិញតាមការយល់ឃើញពីប្រភពដដែលក៏បានទម្លាយថាវាជាការចុះហត្ថលេខាដ៏លំបាកមួយ ព្រោះ De Ligt ត្រូវបាន Juve នាំយកក្នុងគោលជំហរឲ្យឈរជើងរយៈពេលយូរ ជំនួសខ្ញីចាស់ Chiellini និង Bonucci។
យើងនឹងរង់ចាំមើលទាំងអស់គ្នានៅទីផ្សារដោះដូរបន្ទាប់ ខណៈដែល De Ligt តម្លៃនាំចូលពី Ajax ថ្លៃ ៨៥ លានផោន អ៊ីចឹង Juventus ក៏ទំនងឡើងតម្លៃខ្លួនរូបគេក្បែរ ១០០ លានផោនក៏ថាបាន៕ ប្រភព៖ BeSoccer