តាមរបាយការណ៍ពីសារព័ត៌មាន Sport របស់អេស្ប៉ាញបានចុះផ្សាយថាលោក Jurgen Klopp កំពុងចាប់អារម្មណ៍លើខ្សែប្រយុទ្ធស្លាប Ousmane Dembele របស់ក្លឹប FC Barcelona ហើយមានបំណងចង់នាំយកមក Anfield នៅរដូវក្តៅខាងមុខ។
អ្នកទាំងពីរធ្លាប់ជោគជ័យរួមគ្នា រយៈពេលខ្លី អំឡុងពេល Klopp ដឹកនាំនៅ Dortmund ហើយក្នុងនាមជាអ្នកគាំទ្រកីឡាករបារាំងមួយរូបស្រាប់ផងនោះ លោកក៏ចង់ណែនាំឲ្យ Liverpool ពិចារណាក្នុងការចំណាយប្រមាណ ៨០ លានផោនដើម្បីថ្ពក់យកកីឡាករលេងនៅតំណែងស្លាបរូបនេះ។
សម្រាប់ Demble ក្រោយដើរចេញពី Dortmund នៅឆ្នាំ ២០១៧ ជាមួយតម្លៃខ្លួន ១៣៦ លានផោន រូបគេបានរងរបួសញាំញីលើទីលានច្រើន ដែលជាហេតុធ្វើឲ្យ Barca ក៏ចង់ដកចិត្តយកអ្នកថ្មីម្តងៗ ដោយតាមចចាមអារ៉ាមថាចង់ចុះហត្ថលេខាយក Martinez មិត្តរួមជម្រើសជាតិ Messi។
បែបនេះប្រសិនការនាំយកខ្សែប្រយុទ្ធថ្មីចូលទឹកដី Camp Nou ទទួលបានជោគជ័យ ភាគរយនៃការលក់ Dembele ឲ្យទៅ Liverpool ក៏អាចនឹងកើតឡើងទៅបានដូចគ្នា ពោលគឺស៊ីសងលើការចរចាផ្ទាល់រវាងភាគីទាំងសងខាង៕
ប្រភព៖ AF
