កីឡាករ Lukaku ត្រូវបានគេដឹងថាចុះឈ្មោះចូលរៀនវគ្គគ្រូបង្វឹករបស់ UEFA ហើយ អំឡុងពេលសម្រាកមិនបានលេងបាល់ទាត់ដោយសារតែមេរោគ Covid-19 នេះ។Lukaku បានចុះឈ្មោះរៀនវគ្គនេះ ជាមួយមិត្តរួមសញ្ជាតិ Axel Witsel ។ ការរៀននេះ នឹងចាប់ផ្ដើម អំឡុងពេលសម្រាកដោយសារតែមេរោគ Covid-19 រាតត្បាត។ ការរៀននេះ ជារឿងល្អមួយសម្រាប់ពួកគេ នៅពេលទំនេរសម្រាកក្នុងផ្ទះ ខណៈដែលកីឡាករដទៃទៀតជាច្រើនក៏ចាប់ផ្ដើមងាកមករៀនវគ្គខ្លីនេះដែរ។ រំលឹកថាកីឡាករមាឌធំរបស់ Inter Milan កំពុងស្នាក់នៅក្នុងផ្ទះ ព្រោះមិនអាចចាកចេញទៅណាបាននោះទេ។
ដោយឡែកលីគអ៊ីតាលី ក៏មិនទាន់មានដំណោះស្រាយនៅឡើយទេ ព្រោះការឆ្លងរោគ Covid-19 ក្នុងប្រទេសនេះ មិនទាន់មានភាពធូរស្បើយច្រើនឡើយ៕
ប្រភព៖ DailyMail