លោក Rivaldo វីរបុរសបាល់ទាត់ប្រេស៊ីល យល់ឃើញថាក្រុមអ្នកមានបុណ្យ FC Barcelona នៅខ្វះតំបន់ប្រយុទ្ធដដែល ហើយប្រសិនបើទិញយក Neymar ត្រលប់ទៅវិញហ្នឹងល្អមិនខាន។Neymar បានចាកចេញពីអេស្ប៉ាញទៅរួមរស់ជាមួយក្រុម PSG កាលពីឆ្នាំ២០១៧កន្លងទៅ។ ទៅលេងនៅបារាំងនេះ កីឡាករប្រេស៊ីលត្បិតតែទទួលបានប្រាក់ឈ្នួលច្រើនមែន ប៉ុន្តែរូបគេមិនអាចសម្រេចបំណងឈ្នះពានរង្វាន់ធំៗបាននៅឡើយទេ។ ហើយកាលពីទីផ្សារដោះដូរកីឡាករកន្លងទៅ ក៏មានដំណឹងថាក្រុម Barca ចង់នាំយករូបគេមកវិញផងដែរ។
ចំពោះបញ្ហានេះ លោក Rivaldo យល់ឃើញថាក្រុមអ្នកមានបុណ្យនៅខ្វះតំបន់ប្រយុទ្ធដដែល។ ពួកគេនៅមិនទាន់រកកីឡាករមកជំនួស Neymar បាននៅឡើយទេ។ ដូច្នេះប្រសិនបើអាច ទិញយក Neymar មកវិញ នោះក្រុមអ្នកមានបុណ្យនឹងខ្លាំងដូចដើមមិនខាន៕
ប្រភព៖ Marca