ក្លឹប Bayern Munich ត្រូវបានគេរាយការណ៍ថាកំពុងរៀបចំសំណើក្នុងការដោះដូរស្មើនូវកីឡាករ David Alba យក Leroy Sane របស់ក្លឹប Manchester City នាទីផ្សារដោះដូរពេលខាងមុខ។ នេះបើតាមសារព័ត៌មាន Bild បានចុះផ្សាយ។
ក្លឹបយក្សនៅ Bundesliga ហាក់អន់ខ្សោយតំបន់ប្រយុទ្ធស្លាប ដែលរុញឲ្យមានការចង់បាន Sane ជាចាំបាច់ ណាមួយរ៉ាដាកីឡាករសញ្ជាតិអាល្លឺម៉ង់រូបនេះ គឺក្លឹបសម្លឹងឃើញយូរណាស់មកហើយ។ ការដោះដូរលំដាប់ខ្ពស់មួយ គឺ Bayern ហ៊ានផ្តល់ជូនខ្សែការពារស្លាបអូទ្រីសជាថ្នូរ (ទំហំលុយបន្ថែមបែបណាមិនបញ្ជាក់)។
រំឭកថា Alaba ក៏មានក្លឹបនៅ LaLiga ធំៗផ្សេងទៀតសម្លឹងឃើញរូបគេដូចគ្នា បន្ទាប់ពីចូលរួមជាចំណែកជួយឲ្យ Bayern ឡើងឈរកំពូលតារាងរដូវកាលនេះ៕
ប្រភព៖ Goal