កាលពីដើមខែមិនាកន្លងទៅក្រុម Watford បានយកឈ្នះទៅលើហង្សក្រហម Liverpool ៣-០ ដែលនោះជាបរាជ័យលើកដំបូងក្នុងលីគសម្រាប់ក្រុមរបស់លោក Jurgen Klopp។
បែបណាមិញកីឡាករ Troy Deeney របស់ Watford នៅតែសរសើរពីលទ្ធផលជោគជ័យរបស់ Liverpool ហើយប្រកាសក្តែងៗថាចង់ឃើញហង្សលើកពាន EPL រដូវកាល ២០១៩/២០ នេះ។
ប្រាប់សារព័ត៌មាន BBC ខ្សែប្រយុទ្ធ Watford និយាយ៖ “ខ្ញុំមិនដឹងថាយើងពេលណាឬយើងអាចបញ្ចប់រដូវកាលដោយបែបណានោះទេ ប៉ុន្តែគ្រាន់តែចង់បានភាពយុត្តិធម៌មួយ ប្រសិនគ្រប់យ៉ាងត្រូវរំសាយគឺ Liverpool ជាអ្នករងគ្រោះខ្លាំងបំផុត”។
លោកបន្ថែម៖ “អ្នករាល់គ្នាចង់ឃើញ Liverpool ឈ្នះពានពេលនេះ ព្រោះពួកគេធ្វើបានល្អណាស់ ជារួមខ្ញុំមិនគិតពីកាលបរិច្ឆេទបែបណានោះទេ សំខាន់គឺការលេងដោយមានសុវត្ថិភាពបំផុត”៕
ប្រភព៖ AF