ក្លឹប Alaves បានបញ្ជាក់សមាជិកក្នុងក្លឹបនេះរហូតដល់១៥នាក់បានរកឃើញថាមានផ្ទុកមេរោគ Covid-19 ដោយក្នុងនោះមានសមាជិកក្រុមធំ៣នាក់ផងដែរ។
ក្លឹបអេស្ប៉ាញមួយនេះ បានចាប់ផ្ដើមធ្វើតេស្ដសមាជិកក្នុងក្លឹបទាំងអស់ កាលពីដើមសប្ដាហ៍កន្លងទៅ។ ដោយក្នុងនោះ មានរហូតដល់ទៅ១៥នាក់ហើយវិជ្ជមានសម្រាប់មេរោគ Covid-19 ខណៈដែលក្នុង១៥នាក់នោះ មាន៣នាក់ជាសមាជិកឈុតធំរបស់ក្លឹប។ ស្របពេល៧នាក់ជាបុគ្គលិកក្លឹប និង៥នាក់ជាកីឡាករបាល់បោះ។ យ៉ាងណាមិញ សមាជិកដែលឆ្លងនោះ ស្ថិតក្នុងសភាពធម្មតានៅឡើយទេ មិនទាន់មានអ្នកណាធ្ងន់ធ្ងរឡើយ។
អេស្ប៉ាញ មានក្លឹបធំ៣ហើយដែលបង្ហាញថាសមាជិកមានឆ្លងមេរោគ Covid-19 ។ ក្លឹបទាំង៣នោះ រួមមាន Valencia , Espanyol និងក្រុម Alaves ៕ប្រភព៖ Marca
