លោក Aleksander Ceferin ប្រធាន UEFA បានបញ្ជាក់ថាក្រុម Liverpool នឹងមិនអាចក្លាយជាជើងឯកពានរង្វាន់ Premier League បានឡើយ ប្រសិនបើមេរោគ Covid-19 បន្ដរីករាលដាល។
ក្រុម Liverpool ត្រូវការតែ២ប្រកួតទៀតប៉ុណ្ណោះ នឹងបានក្លាយជាជើងឯកលីគកំពូលអង់គ្លេស ជាលើកដំបូងក្នុងរយៈពេល៣០ឆ្នាំចុងក្រោយនេះហើយ។ តែដោយសារតែមេរោគ Covid-19 កំពុងផ្ទុះខ្លាំងនៅអង់គ្លេស ការប្រកួតត្រូវបានផ្អាកតាំងពីសប្ដាហ៍មុនមកម្ល៉េះ ហើយក៏មិនទាន់ដឹងដំណឹងថាពេលណាអាចគ្រប់គ្រងស្ថានភាពបានដែរ។ យ៉ាងណាមិញ ក្រុមអ្នករៀបចំការប្រកួតថា ដើមខែមេសាខាងមុខ នឹងមានសេចក្ដីប្រកាសថ្មីមួយទៀត។
ដោយឡែក បើតាមលោក Aleksander Ceferin ប្រធាន UEFA បានបញ្ជាក់ថាក្រុម Liverpool នឹងមិនទទួលបានពានរង្វាន់នារដូវកាលនេះទេ។ ការបន្ដរីករាលដាលនៃមេរោគ Covid-19 អាចនឹងធ្វើឱ្យការប្រកួតមិនអាចដំណើរបាន ប្រសិនបើមិនអាចដំណើរការបានទេ ឬបញ្ចប់ការប្រកួតបានទេ នោះម្ចាស់ជើងឯកក៏មិនអាចរកឃើញបានដែរ៕ប្រភព៖ Dailymail