ក្រុម Real Madrid កំពុងពិចារណាឱ្យខ្សែប្រយុទ្ធ Gareth Bale ចាកចេញពីក្រុម ដោយ Free តែម្ដងនៅរដូវក្ដៅខាងមុខនេះ ព្រោះរូបគេមិនមានក្នុងគម្រោងរបស់លោក Zidane ឡើយ។Bale រដូវកាលនេះ មិនសូវមានឱកាសបានលេងក្រោមការដឹកនាំរបស់លោក Zidane ឡើយ។ រូបគេត្រូវបានក្លឹបចង់បញ្ចេញតាំងពីរដូវកាលមុន ប៉ុន្តែសាមីខ្លួនមិនព្រមចាកចេញ ព្រោះចង់បន្ដព្យាហាមហ្វឹកហាត់ក្រែងបានលេងក្នុងបញ្ជីជម្រើស១១នាក់ដំបូងទៀត។ យ៉ាងណាមិញ បញ្ហារបួសរបស់គេនៅតែបន្ដញ៉ាំញី ហើយឱកាសលេងក៏មិនមានច្រើនដែរ។
កត្តានេះហើយ ទើបបានជាលោក Zidane គិតថាដល់ពេលល្មមសម្រាប់ឱ្យរូបគេចាកចេញ ដើម្បីមានកៅអីសម្រាប់កីឡាករដទៃទៀតហើយ។ ក្លឹបនឹងឱ្យកីឡាករជម្រើសជាតិវែលរូបនេះ ដើរចេញពីក្រុមទាំងមិនគិតប្រាក់តែម្ដងសម្រាប់រដូវក្ដៅខាងមុខនេះ៕
ប្រភព៖ DailyMail