Manchester United ត្រូវបានគេរាយការណ៍ថាមានក្តីសង្ឃឹមខ្ពស់ក្នុងការនាំយក Jadon Sancho មកចូលរួមនៅ Old Trafford នារដូវក្តៅខាងមុខ ប្រសិនណាក្លឹបអាចប្រជែងយកកៅអីសម្រាប់ប្រកួតនៅ UEFA Champions League រដូវកាលក្រោយ។
ក្រឡេកទៅមើល Sancho ថ្មីៗនេះទើបតែបរាជ័យនៅ UCL ត្បិតបើស៊ីគេមុននៅជើងទី ១ តែ Dortmund បែរជាធ្លោយនៅជើងទី ២ ជួយឲ្យ Paris យកឈ្នះបានឡើងទៅកាន់វគ្គបន្ទាប់។
ហេតុផលនេះហើយទំនងជារំអុកឲ្យ Sancho ចង់ភ្លក់រសជាតិនៅក្លឹបថ្មី ប្រសិនបន្តមានឱកាសលេងនៅ UCL ហើយក្រៅពី Man Utd តាមពិតទៅក៏មានក្លឹបកំពូលឯទៀតដូចជា Chelsea/Liverpool និង Bayern Munich ដែរចង់បានរូបគេ។
រំឭកថាតាមដំណឹងល្ហិចល្ហៀងពីសព្វមួយដងគឺ Dortmund នឹងបើកភ្លើងខៀវឲ្យរូបគេចាកចេញ ប្រសិនណាមានក្លឹបណាមួយហ៊ានព្រមព្រៀងតម្លៃខ្លួន ១២០ លានផោនលើយុវជនសញ្ជាតិអង់គ្លេសរូបនេះ៕
ប្រភព៖ AF