RB Leipzig បានយកឈ្នះទៅលើ Spurs នៅជើងទី ២ ក្នុងលទ្ធផល ៣-០ សរុបទាំងពីរជើងគឺ ៤-០ សម្រេចទម្លាក់ក្រុមការពារជើងឯករងរដូវកាលចាស់ធ្លាក់ត្រឹមវគ្គ ១៦ ក្រុមចុងក្រោយ។
ជ័យជម្នះនេះដែរក៏បានរុញឲ្យអ្នកចាត់ការក្លឹប Leipzig គឺលោក Julian Nagelsmann បានក្លាយជាអ្នកចាត់ការវ័យក្មេងបង្អស់ដែលអាចដឹកនាំក្រុមឆ្លងទៅកាន់វគ្គ ៨ ក្រុមចុងក្រោយ ពោលគឺលោកមានអាយុត្រឹម ៣២ ឆ្នាំ និង ២៣១ ថ្ងៃប៉ុណ្ណោះ។
ស្រករអាយុប៉ុណ្ណេះ មានកីឡាករជាច្រើននៅកំពុងបម្រើអាជីពឲ្យក្លឹបមួយចំនួននៅឡើយ ប្លែកអីតែលោក Nagelsmann បានឈរជាគ្រូបង្វឹកកំពុងឆ្ពោះទៅការប្រកួតប្រជែងការលើកពានរង្វាន់អឺរ៉ុបរដូវកាលនេះជាបណ្តើរៗបាត់ទៅហើយ៕ ប្រភព៖ AF