លោក Martinez គ្រូបង្វឹកក្រុមជម្រើសជាតិបែឡហ្សិក បានបញ្ជាក់ថាខ្សែប្រយុទ្ធ Eden Hazard នឹងមានវត្តមានលេងឱ្យជម្រើសជាតិមិនខាន ក្នុងការប្រកួត Euro 2020 ខាងមុខនេះ។
Hazard បានរងរបួស និងកំពុងសម្រាកព្យាបាល។ ដោយបញ្ហារបួសជើងនោះ អាចនឹងធ្វើឱ្យរូបគេអវត្តមានរបស់ដល់ចប់រដូវកាលនេះតែម្ដង ហើយការលេង Euro 2020 ឱ្យក្រុមជម្រើសជាតិបែលហ្សិកក៏ទំនងជាមិនទាន់ច្បាស់លាស់នៅឡើយដែរ។ ខណៈដែលទម្រង់លេងនារដូវកាលនេះ ក្នុងក្រុម Real Madrid ក៏មិនទាន់ល្អប្រសើរខ្លាំងដែរ ដោយសារតែសាមីខ្លួនរបួសជាប់រហូត។
ត្បិតតែលេងមិនសូវល្អ និងកំពុងមានរបួសយ៉ាងនេះក្ដី ប៉ុន្តែសម្រាប់លោក Martinez ដែលជាគ្រូបង្វឹកក្រុមជម្រើសជាតិបែលហ្សិក បានអះអាងថាលោកមានទំនុកចិត្តថា Hazard នឹងជាសះស្បើយទាន់ព្រឹត្តិការណ៍ Euro 2020 ខាងមុខមិនខាន។ រូបគេជាតួអង្គសំខាន់សម្រាប់ក្រុមបែលហ្សិក និងជាអ្នកនាំលេងយ៉ាងល្អសម្រាប់ក្រុមនេះ៕ប្រភព៖ Marca