Chelsea បានស្មើជាមួយ Bournemouth នាលទ្ធផល ២-២ កាលពីយប់មិញ ទន្ទឹមដែលក្រុមភ្ញៀវហាក់បីមានឱកាសច្រើនតែគ្មានសំណាង ហើយប៊ិះតែនឹងចាញ់ក្រុមម្ចាស់ផ្ទះទៅទៀត។
ក្នុងការប្រកួតនោះដែរ Jorginho ខ្សែបម្រើរបស់តោខៀវបានទទួលកាតលឿងបើកឆាកនាទី ១៧ ប៉ុន្តែរូបគេបែរជាត្រូវព្យួរឈ្មោះ ២ ប្រកួតបន្ទាប់ ទាំងមិនមានពិន័យកាតក្រហម។ នេះជាចម្ងល់ដែលអ្នកគាំទ្រភាគច្រើននៅមិនទាន់បានជ្រាបពីមូលហេតុ។
នោះក៏ដោយសារនៅ Premier League រដូវកាលនេះ កាតលឿងកាលពីយប់មិញជាកាតលឿងទី ១០ ហើយសម្រាប់ Jorginho ដែលញាំងឲ្យរូបគេនឹងត្រូវព្យួរឈ្មោះចំនួន ២ ប្រកួតបន្ទាប់ ពោលគឺ Chelsea ត្រូវប៉ះ Everton និង Aston Villa។
ប៉ុន្តែការប្រកួតនៅ FA Cup ប៉ះ Liverpool នាថ្ងៃអង្គារ កីឡាកររូបនេះអាចមានឈ្មោះចូលលេងជាធម្មតា ខណៈនៅ Champions League ក៏ដូចគ្នា។ រំឭកថាតោខៀវបានបរាជ័យនៅ UCL ក្រោមថ្វីជើង Dortmund នាលទ្ធផល ៣-០ ក្នុងដីរបស់ខ្លួនឯង ដែលនឹងធ្វើឲ្យមានការលំបាកខ្លាំងសម្រាប់ជើងទី ២ នៅដីអាល្លឺម៉ង់៕
ប្រភព៖ AF