លោក Rivaldo អតីតខ្សែប្រយុទ្ធក្រុម Barcelona បាននិយាយថាក្រុមអ្នកមានបុណ្យក្រោមការដឹកនាំរបស់លោក Setien នៅមិនទាន់មានអ្វីប្រែប្រួល រីកចម្រើននៅឡើយទេ ពួកគេនៅតែពឹងលើ Messi ដដែល។ក្រុម Barcelona នឹងត្រូវទៅសួរសុខទុក្ខក្រុម Real Madrid នៅយប់ម៉ោង៣រំលងអាធ្រាត្រនេះ ក្នុងពានរង្វាន់ La Liga ។ ក្រុមទាំងពីរនេះ កំពុងប្រជែងពិន្ទុគ្នាខ្លាំង ព្រោះ Real Madrid ចាញ់ពិន្ទុក្រុម Barcelona ចំនួន២ពិន្ទុប៉ុណ្ណោះ។ ខណៈដែលការប្រកួតនៅរាត្រីនេះ នឹងកាត់ក្ដីថាតើនរណាជាក្រុមលេខ១កំពូលតារាងហើយ។
យ៉ាងណាមិញ ចំពោះក្រុម Barcelona បច្ចុប្បន្នក្រោមការដឹកនាំរបស់លោក Setian ត្រូវបានអតីតកីឡាករ Rivaldo មើលឃើ្ថា មិនមានអ្វីប្រែប្រួលនោះទេ។ វីរបុរសក្រុមអ្នកមានបុណ្យបានបន្ថែមទៀតថា ក្រុមបច្ចុប្បន្ននៅតែពឹងលើខ្សែប្រយុទ្ធ Lionel Messi ទាំងស្រុងដដែល។ ក្រុមមានកីឡាករល្អៗច្រើន ប៉ុន្តែពួកគេនៅមិនទាន់រកឃើញជម្រើស១១នាក់ឱ្យបានល្អនៅឡើយទេ៕