នៅការប្រកួតកាលពីយប់មិញ Real Madrid បានបញ្ចប់លទ្ធផលបរាជ័យក្នុងដី Santiago Bernabeu របស់ខ្លួនឯងក្នុងលទ្ធផល ១-២ ទល់ក្លឹបមេឃខៀវ Manchester City នាជំនួបជើងទី ១ វគ្គ ១៦ ក្រុមចុងក្រោយ UCL។
Real ហាក់ធ្វើមិនបានល្អទាល់តែសោះ ទាំងភាគរយគ្រប់គ្រងបាល់ក៏ទាបជាងក្រុមភ្ញៀវដោយខាងគេមាន ៥២ ភាគរយ ហើយស៊ុតមិនប្រណីដល់ទៅ ១៦ លើក ចំគោលដៅ ៨ លើក ទន្ទឹមដែលម្ចាស់ផ្ទះធ្វើបាន ៣ លើកគត់ចំគោលដៅ។
គ្រាប់បាល់សម្រេចទីទើបតែកើតឡើងនៅតង់ទីពីរដោយកីឡាករ Isco នាទី ៦០ មុន ១៨ នាទីក្រោយតាមទាន់ស្មើដោយ Gabriel Jesus លុះដល់នាទី ៨៣ Kevin de Bruyne មានឱកាសស៊ុតបាល់ ១១ ម៉ែត្រយកឈ្នះ បន្ទាប់ពីរងការប៉ះទង្គិចរវាង Carvajal និង Sterling នៅតំបន់គ្រោះថ្នាក់។
កៀកនឹងបញ្ចប់ការប្រកួតហើយនោះ Sergio Ramos បែរជាទទួលបានកាតក្រហម ពោលធ្វើឲ្យ Real Madrid កាន់តែខ្សត់កីឡាករសំខាន់នៅប្រកួតនាជើងទី ២ ក្នុងទឹកដី Etihad Stadium៕
ទស្សនាវីដេអូខាងក្រោម៖
https://www.youtube.com/watch?v=cEJSBP_qBT0