នាវេលាម៉ោង ០៣:០០ នាទីរំលងអាធ្រាត្រឈានចូលថ្ងៃទី ២៧ កុម្ភៈ ឆ្នាំ ២០២០ នេះ ក្លឹបសេះបង្កង់ Juventus នឹងត្រូវចូលជួបម្ចាស់ដីបារាំង Lyon នៅឯកីឡដ្ឋាន Parc Olympique Lyonnais។ ចំពោះការផ្សាយផ្ទាល់ប្រិយមិត្តអាចទស្សនាបានតាមរយៈទំព័រ CT Sports!
អត្ថបទនេះយើងនឹងបង្ហាញឲ្យប្រិយមិត្តបានដឹងខ្លះៗពីស្ថិតិនិងរឿងរ៉ាវមួយចំនួនដែលក្រុមទាំងពីរធ្លាប់បានជួបគ្នាកន្លងមក។ សរុបស្ថិតិរវាង Lyon និង Juventus គឺធ្លាប់ប៉ះគ្នា ៤ លើកនៅពានរង្វាន់អឺរ៉ុប ដោយមាន ២ លើកនៅ UCL និង ២ លើកនៅ UEL ហើយសរុបលទ្ធផល Lyon ចាញ់ ៣ ស្មើ ១។
បើក្រឡេកមើលតាមប្រវត្តិនៃស្ថិតិគឺសេះបង្កង់មានភាគរយខ្ពស់នៅរាត្រីនេះ ដោយកន្លងមកពេលប៉ះគ្នាទល់ក្រុមបារាំង (មិនមែនតែ Lyon) រាប់ចាប់ពីវគ្គ ១៦ ក្រុម (Knockout Stage) ឡើងទៅ គឺ Juventus អាចឆ្លងផុតទាំង ៤ ពោលមិនធ្លាប់ធ្លាក់សូម្បីតែមួយលើក។
មួយផ្សេងទៀតនេះជារដូវកាលទី ៦ ជាប់គ្នាហើយសម្រាប់ Juventus ដែលឆ្លងមកដល់វគ្គ ១៦ ក្រុម ហើយមាន ៤ លើកឆ្លងផុត និង ១ លើកធ្លាក់កាលពីរដូវកាល ២០១៥/១៦ ពេលចាញ់ Bayern Munich (៤-៦ ពីរជើង)។
ចំពោះសមាសភាពកីឡាករ គឺខាងម្ចាស់ផ្ទះនឹងត្រូវខកខានដូចជា Kone, Solet Bomawoko, Reine-Adelaide, Depay និង Rafael ខណៈ Dembele នៅមិនទាន់ច្បាស់លាស់។
រីឯ Juventus ត្រូវខកខាន Pjanic, Higuain, Douglas Costa និង Khedira ដែលជួបបញ្ហារបួស ស្របពេលខ្សែការពារក៏បាត់បង់ Bonucci មួយរូប ក្រោយជាប់ពិន័យព្យួរឈ្មោះ។
សរុបលទ្ធផលទស្សន៍ទាយតាមប្រភពភាគច្រើនគឺថាក្រុមភ្ញៀវ Juventus នឹងអាចយកឈ្នះទៅលើ Lyon បានក្នុងលទ្ធផលប្រហែល ១-២៕