ក្រុម FC Barcelona ត្រៀមកញ្ចប់ទឹកប្រាក់រហូតដល់២២៥លានផោន ដើម្បីទិញយកខ្សែប្រយុទ្ធ Sadio Mane របស់ក្រុម Liverpool នៅរដូវក្ដៅខាងមុខ។
Mane ជាអ្នករកគ្រាប់បាល់បានជួយក្រុម Liverpool យកឈ្នះលើក្រុម West Ham ៣-២ កាលពីយប់ថ្ងៃចន្ទកន្លងទៅ ហើយរូបគេក៏បានដើរតួសំខាន់សម្រាប់ក្រុមហង្សក្រហមគ្រប់ប្រកួតផងដែរ។ ការលេងបានល្អ និងតែងតែរកគ្រាប់បាល់ជួយក្រុមបាននេះហើយ ទើបបានជាធ្វើឱ្យក្រុមអ្នកមានបុណ្យ Barcelona ចាប់អារម្មណ៍លើរូបគេខ្លាំង។
តម្លៃខ្លួននៅលើទីផ្សាររបស់ Mane ត្រូវបានគេដឹងថាមានតម្លៃ១៣៥លានផោនប៉ុណ្ណោះ ប៉ុន្តែប្រសិនបើក្រុម Barcelona ចង់បានរូបគេមែន នោះទាល់តែត្រូវចំណាយដល់២២៥លានផោនឯណោះ។ ការចំណាយទ្វេដងនេះ គឺដោយសារតែក្រុម Liverpool នឹងមិនឱ្យកីឡាករសំខាន់របស់ខ្លួនចាកចេញទៅណាទេ ប្រសិនបើតម្លៃមិនច្រើនរហូតដល់ពួកគេបដិសេធមិនបាននោះ។
Mane រដូវកាលនេះ រកបាន១៧គ្រាប់ និងបញ្ជូនបាល់ឱ្យមិត្តរួមក្រុមបាន១១គ្រាប់ ក្នុងការបង្ហាញខ្លួន៣៤ប្រកួតឱ្យក្រុម Liverpool ៕ប្រភព៖ Dailymail