Napoli នឹងត្រូវធ្វើជាម្ចាស់ផ្ទះស្វាគមន៍ក្លឹបយក្ស Barcelona នាថ្ងៃពុធ ទី ២៦ វេលាម៉ោង ០៣:០០ នាទីព្រឹក ដែលនឹងមានផ្សាយបន្តផ្ទាល់លើទំព័រ CTS Sports ផងដែរ។
ការប្រកួតក្នុងប្រទេសអ៊ីតាលីលើកនេះ អាចថាមានការរឹតបន្តឹងខ្លាំងបន្តិច ព្រោះដោយសារតែការផ្ទុះនូវវីរុសកូរ៉ូណា ហើយរដ្ឋាភិបាលបានដាក់កំហិតឲ្យមានត្រួតពិនិត្យមើលកម្ដៅរបស់អ្នកធ្វើដំណើរចូលប្រទេសទាំងអស់ បែបនេះមិនថាតែ Lionel Messi ឬបណ្ដាសមាជិកក្រុមអេស្ប៉ាញទាំងអស់ចាំបាច់ត្រូវឆ្លងកាត់ការពិនិត្យរបស់អាជ្ញាធរនៅឯអាកាសយានដ្ឋានពេលពួកគេមកដល់នៅថ្ងៃចន្ទនេះសិន។
រំឭកគិតត្រឹមថ្ងៃទី ២៤ កុម្ភៈ ឆ្នាំ ២០២០ វីរុសផ្លូវដង្ហើមថ្មី COVID-19 បានឆក់យកជីវិតមនុស្សអស់ប្រមាណ ២ ៦១៩ នាក់ហើយ ដោយតួលេខអ្នកឆ្លងក៏កើនឡើងដល់ ៧៩ ៣៦០ នាក់។ ប្រទេសអ៊ីតាលីគឺជាប្រទេសទីពីរបន្ទាប់ពីកូរ៉េខាងត្បូង ដែលជាប្រទេសក្រៅដីចិនឆ្លងវីរុសនេះច្រើនបំផុត៕
ប្រភព៖ FoxSportAsia