កន្លងទៅមានចចាមអារ៉ាមថាក្លឹបបិសាចក្រហម Manchester United ចង់ទម្លាក់សំណើដេញថ្លៃនាំយកកីឡាករ Jack Grealish នៅតម្លៃខ្លួនប្រមាណ ៧០ លានផោនមកចូលរួមនារដូវកាលក្រោយ ត្បិតបើក្លឹបទើបយកបានកីឡាករសំខាន់ Bruno Fernandes ពី Sporting ហើយក៏ដោយ។
ឆ្លើយតបនឹងបញ្ហានេះ អ្នកចាត់ការលោក Dean Smith របស់ Aston Villa បានអះអាងថាក្លឹបនឹងមិនងាយបើកផ្លូវឲ្យកីឡាករសំខាន់ចាកចេញទៅបានងាយៗនោះទេ ព្រោះចំណាត់ការរបស់ថ្នាក់លើនឹងធ្វើគ្រប់បែបយ៉ាងដើម្បីរក្សាជើង Grealish ឲ្យបន្តនៅ។
Smith និយាយថា៖ “ដូចខ្ញុំបាននិយាយច្រើនលើកហើយ យើងមានអ្នកដឹកនាំធំៗ ២ រូបនៅខាងលើដែលចង់ឲ្យក្លឹបនេះជោគជ័យ ហើយពួកគេបានចាយលុយជាច្រើនតាមរយៈការខិតខំយ៉ាងសកម្ម អ៊ីចឹងបើចង់បានក្រុមដ៏ជោគជ័យមួយក៏ត្រូវការរក្សាទុកកីឡាករកំពូលឲ្យនៅជាមួយក្លឹបដែរ”។
លោកបន្ថែម៖ “ពួកគេនឹងខិតខំខ្លាំងគ្រប់បែបយ៉ាង ដើម្បីប្រាកដថាកីឡាករកំពូលអាចបន្តនៅជាមួយក្លឹបបាន ហើយនេះជាចម្លើយដែលខ្ញុំអាចផ្តល់ទៅកាន់អ្នករាល់គ្នា”។
គួររំឭកថាប្រធានក្រុម Aston Villa [Grealish] រកបាន ៧ គ្រាប់និង Assist ៥ លើកហើយនាមជាខ្សែបម្រើដ៏ឆ្នើមមួយរូបនៅក្របខ័ណ្ឌ Premier League រដូវកាល២០១៩/២០៕
ប្រភព៖ Metro