នៅប្រកួតជុំទី ២៤ ទល់ក្លឹប Getafe FC ក្រុមអ្នកមានបុណ្យ Barcelona បានបញ្ចប់ទៅនៅលទ្ធផល ២-១ ដែលការរកគ្រាប់បាល់សម្រេចបានដោយកីឡាករ Antoine Griezmann និង Sergi Roberto។ ក្នុងនោះដែរ Messi ក៏បានចូលរួមចំណែក Assist មួយគ្រាប់ឲ្យកីឡាករសញ្ជាតិបារាំងផងដែរ។
ប៉ុន្តែ Messi នៅតែខកខានការរកគ្រាប់បាល់ក្នុងជំនួបខាងលើ ពោលគឺចាប់តាំងពីការមកដល់របស់គ្រូថ្មីលោក Quique Setien កីឡាករអាហ្សង់ទីនទើបរកបាន ៣ គ្រាប់គត់ ត្បិតបើតួលេខ Assist មានជាបន្តបន្ទាប់ក្តី។
បើគិតក្នុងខែកុម្ភៈនេះសុទ្ធ កីឡាករវ័យ ៣២ ឆ្នាំ មិនទាន់រកបានសូម្បីតែមួយគ្រាប់ ទោះមានឱកាសស៊ុតសរុបចំនួន ២៩ លើកក៏ដោយ ប៉ុន្តែការចូលរួមចំណែក Assist នៅតែមានតួលេខខ្ពស់ដល់ទៅ ៦ លើករួចមកហើយ។
រំឭកថាគ្រាប់បាល់ចុងក្រោយដែលធ្វើបានដោយ Messi គឺសម្រេចបាននៅឯព្រឹត្តិការណ៍ Copa del Rey ក្នុងទឹកដី Camp Nou ទល់ក្លឹប Leganes។ រូបលោករកបាន ២ គ្រាប់ក្នុងចំណោម ៥ គ្រាប់សរុបដែលរុញឲ្យអ្នកមានបុណ្យបានឆ្លងទៅកាន់វគ្គ ៨ ក្រុមចុងក្រោយ៕ ប្រភព៖ BeSoccer