Scolari អតីតគ្រូបង្វឹករបស់ក្រុមប្រេស៊ីល បានលើកឡើងថាកីឡាករ Neymar នឹងគ្មានថ្ងៃលេងដល់កម្រិតរបស់ Pele នោះទេ ព្រោះ Pele មានតែម្នាក់ប៉ុណ្ណោះនៅលើលោកនេះ។
Scolari មើលឃើញថាត្រឹមរយៈពេល១ឆ្នាំដែល Neymar ចាកចេញពី Barcelona ទៅ PSG គឺរូបគេមិនមានការអភិវឌ្ឍសមត្ថភាពបន្ថែមអ្វីឡើយ។ ផ្ទុយទៅវិញ មានតែបញ្ហារបួស និងលេងមិនល្អទៅវិញ។ ដូច្នេះហើយ ប្រសិនបើរូបគេនៅតែបន្ដធ្វើដូច្នេះទៀត នោះឱកាសទៅដល់កម្រិតរបស់ Pele គឺមិនអាចនោះទេ។ ខណៈដែលត្រឹម Cristiano Ronaldo និង Lionel Messi ក៏ពិបាកថាដែរ។
“នៅប្រេស៊ីល យើងបានស្គាល់ច្បាស់ថានរណាជា Neymar ហើយនរណាជា Pele។ យើងដឹងច្បាស់ថាមានតែ Pele មួយគត់នៅលើលោកនេះ គ្មានអ្នកធ្វើដូចឡើយ។ កីឡាករទាំងអស់បច្ចុប្បន្នមិនមានគ្រប់យ៉ាងដូច Pele នោះទេ ទាំងក្នុងនិងក្រៅទីលាន។ គ្មាននរណាអាចស្មើគាត់បានឡើយ”។ សម្ដីរបស់ Scolari ។
Pele បានលើកពាន World Cup តាំងពីអាយុ១៧ឆ្នាំ ពោលគឺលេងនៅឆ្នាំ១៩៥៨ នៅប្រទេសស៊ុយអែត។ ខណៈដែល Neymar បច្ចុប្បន្ននេះ វ័យ២៦ឆ្នាំទៅហើយ ហើយមានតែការចង់ចាំដែលឈឺចាប់ប៉ុណ្ណោះសម្រាប់រូបគេ៕ប្រភព៖ MARCA
