• Suarez៖ Griezmann ​មិន​ស្រលាញ់​អ៊ុយរុយហ្គាយ ​ទេ ​គាត់​ជា​បារាំង ស៊ុត​ចូល​យើង

    Antoine Griezmann ​បាន​និយាយ​ថា​រូបគេ​ស្រលាញ់​អ៊ុយរុយហ្គាយ ​ជា​ពិសេស​មិត្ត​រួម​ក្រុម​អាជីព  Diego Godin ​ដែល​តែងតែ​ជួយ​ជ្រោមជ្រែង​គេ​តាំង​ពី​ដើម​មក។

    យ៉ាងណាមិញ ការ​ស្រលាញ់​នោះ​មិន​មែន​មាន​ន័យ​ថា រូបគេ​មិន​ត្រូវ​ស៊ុត​ចូល​ទី​របស់​អ៊ុយរុយហ្គាយ ​នា​ប្រកួត​វគ្គ​៨​ក្រុម​ចុង​ក្រោយ​នៅ World Cup ​នេះ​នោះ​ទេ។ ​ផ្ទុយ​ទៅ​វិញ ជ័យជម្នះ ២-០ របស់​បារាំង​លើ​អ៊ុយរុយហ្គាយ ក៏​មាន​ចំណែក​រូបគេ​រក​បាន​១​គ្រាប់​ផង​ដែរ។ តែ​ការ​រក​បាន​១​គ្រាប់​នោះ Griezmann ​មិន​បាន​អបអរ​អ្វី​ឡើយ។

    ត្បិត​តែ​មិន​អបអរ​ដូច្នេះ​មែន ​ប៉ុន្តែ​ខ្សែ​ប្រយុទ្ធ Luis Saurez ​បាន​និយាយ​ថា​៖ “គាត់​មិន​មែន​ជា​ប្រជាជន​អ៊ុយរុយហ្គាយ​ទេ។ គាត់​ជា​បារាំង ហើយ​គាត់​ក៏​ជា​អ្នក​រក​គ្រាប់​បាល់​ពី​ក្រុម​យើង​ដែរ។ គាត់​មិន​បាន​ដឹង​ថា​ក្រុម​របស់​យើង​ប្រឹងប្រែង​យ៉ាងណា​ឡើយ។ គាត់​បាន​បង្ហាញ​កាយ​វិការ​របស់​គាត់ ​ហើយ​នឹង​ភាសា​នៃ​ការ​និយាយ​របស់​អ៊ុយរុយហ្គាយ ​ប៉ុន្តែ​យើង​មាន​អារម្មណ៍​ចំពោះ​រឿង​នោះ”។

    ចំពោះ​បរាជ័យ​នេះ​ដែរ លោក Oscar Tabarez ​គ្រូ​បង្វឹក​របស់​អ៊ុយរុយហ្គាយ ​បាន​លើក​ឡើង​ថា​៖ “យើង​លេង​មិន​ល្អ​ដូច​ដៃ​គូ​របស់​យើង ដូច្នេះ​ហើយ​ទើប​យើង​ចាញ់។ ក្រុម​យើង​បាន​លេង​អស់​ពី​សមត្ថភាព​ហើយ ប៉ុន្តែ​បារាំង​អាច​គ្រប់គ្រង​ការ​ប្រកួត​នេះ​បាន​យ៉ាង​ល្អ បន្ទាប់​ពី​មាន​គ្រាប់​ទី​២​មក ​ក្រុម​ទាំង​ពីរ​ហាក់​ដូចជា​មាន​គំលាត​គ្នា​ខ្លាំង​ណាស់”៕ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT