ខ្សែការពារកណ្ដាល Varane បានបញ្ជាក់ថាកីឡាករចំណូលថ្មី Mendy តែងតែធ្វើបានល្អជានិច្ចក្នុងការហ្វឹកហាត់និងលើកបាល់បានល្អ ទើបរូបគេអាចយកតំណែង Marcelo បាន។Mendy កំពុងត្រូវបានលោក Zidane ផ្ដល់ទំនុកចិត្តឱ្យលេងជម្រើស១១នាក់ជាប់ ខណៈដែល Marcelo វិញ កាន់តែបាត់បង់នាទីលេង។ ជាក់ស្ដែងនៅយប់មិញ កីឡាករបារាំងនេះហើយជាអ្នកលើកបាល់ឱ្យ Benzema រកបាន១គ្រាប់យកឈ្នះលើក្រុម Atletico Madrid បានក្នុងលទ្ធផល ១-០។
ចំពោះមិត្តរួមក្រុមថ្មីនេះដែរ Varane បានបង្ហាញចំណាប់អារម្មណ៍ថា៖ “គាត់មានកាយសម្បទាល្អ គាត់ធ្វើបានល្អ និងតែងតែផ្ដល់ទំនុកចិត្តឱ្យយើងជានិច្ច។ ក្នុងអំឡុងពេលហ្វឹកហាត់គាត់ ហាត់លើកកាត់បាល់ចូលប្រអប់គ្រោះថ្នាក់។ នៅយប់មិញ ការព្យាយាមរបស់គេក៏បានជួយក្រុមទទួលបានជ័យជម្នះ”៕
ប្រភព៖ Marca