ខ្សែបម្រើ Bruno Fernandes បានបង្ហាញខ្លួនលើកដំបូងហើយឱ្យក្រុមបិសាចក្រហម Manchester United នៅយប់មិញទល់ក្រុម Wolves ប៉ុន្តែលទ្ធផលបញ្ចប់ត្រឹម ០-០។Bruno ត្រូវបានអ្នកគាំទ្រសាទរចំពោះការចូលលេងលើកដំបូងរបស់ខ្លួន។ រូបគេបានបង្ហាញសមត្ថភាពនិងជួយក្រុមបានយ៉ាងច្រើននៅតំបន់បម្រើ ប៉ុន្តែចុងក្រោយមិនអាចរកគ្រាប់បាល់បានទៅវិញ។ អតីតកីឡាករ Sporting ខាងលើនេះ ត្រូវបានលោក Ole ដាក់ឱ្យលេងតំបន់ចាស់របស់ខ្លួនដដែល ហើយរូបគេក៏បង្កើតឱកាសបាន។
លោក Ole បានបង្ហាញចំណាប់អារម្មណ៍ចំពោះកីឡាករថ្មីរបស់ខ្លួនថា៖ “វាជាការប្រកួតដំបូងរបស់គាត់ ជាមួយមិត្តរួមក្រុមថ្មី។ គាត់ធ្វើបានល្អ។ គាត់ព្យាយាមគ្រប់គ្រងបាល់និងបង្កើតឱកាស ប៉ុន្តែមិនទាន់អាចឱ្យតំបន់ប្រយុទ្ធយល់ពីគាត់និងរកគ្រាប់បាល់បាន”៕
ប្រភព៖ DailyMail