ក្រុម Manchester City នឹងត្រូវលេងទល់ក្រុម Manchester United ក្នុងការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ League Cup នៅម៉ោង២;៤៥នាទីរំលងអាធ្រាត្រនេះ។
កាលពីជើងទី១កន្លងទៅ នៅ Old Trafford ក្រុម Man City បានយកឈ្នះលើក្រុម Man Utd បានក្នុងលទ្ធផល ៣-១ ទៅហើយ។ ដូច្នេះការប្រកួតនៅរាត្រីនេះ អាចថាមិនពិបាកខ្លាំងឡើយសម្រាប់ក្រុមរបស់លោក Pep ដើម្បីឡើងទៅវគ្គផ្ដាច់ព្រ័ត្របាន។
តែទោះជាយ៉ាងនេះក្ដី លោក Pep អ្នកចាត់ការក្រុម Man City បានបញ្ជាក់ថាលោកចង់ឃើញអ្នកគាំទ្រមកគាំទ្រឱ្យបានច្រើនពេញកីឡដ្ឋាន។ វាជាកម្លាំងចិត្តមួយសម្រាប់ក្រុម Man City ដើម្បីបន្ដយកឈ្នះលើក្រុម Man Utd ទៀត ខណៈដែលលទ្ធផលជើងទី១កន្លងទៅ លោក Pep ថាមិនទាន់ធានាអាចឡើងជុំបន្ដបានឡើយ។
រំលឹកថាប្រសិនបើ Man City ឈ្នះប្រកួតនៅយប់នេះ ពួកគេនឹងឡើងទៅជួបក្រុម Aston Villa ដែលបានទៅឈរចាំនៅវគ្គផ្ដាច់ព្រ័ត្ររួចជាស្រេច៕ប្រភព៖ Dailymail
