ក្លឹបកាំភ្លើងធំ Arsenal បានបរាជ័យក្នុងការនាំយកខ្សែការពារ Pablo Mari ពីក្រុម Flamengo ហើយ ក្រោយពីក្លឹបនៅប្រេស៊ីលនេះ បានបដិសេធមិនព្រមលក់ទេ។
Mari ត្រូវបានគេដឹងថាពិនិត្យសុខភាពរួចជាស្រេចទៅហើយ ដើម្បីផ្លាស់មកលេងនៅក្រុម Arsenal ក្នុងតម្លៃខ្លួន១៧លានផោន។ តែនៅចុងក្រោយ ក្លឹប Flamengo បានសម្រេចច្រានចោលសំណើនោះវិញ ដោយសំអាងលើហេតុផលពួកគេមិនទាន់ចង់លក់ខ្សែការពារឆ្នើមរបស់ខ្លួននោះទេ។ កីឡាករវ័យ២៦ឆ្នាំបានត្រលប់ទៅប្រេស៊ីលវិញបាត់ទៅហើយ ប៉ុន្តែមិនទាន់បានចូលរួមហ្វឹកហាត់ Pre season ជាមួយក្រុម Flamengo នៅឡើយទេ។
ក្រុម Arsenal កំពុងត្រូវការខ្សែការពារមកពង្រឹងក្រុមរបស់ខ្លួនឡើងវិញ ក្រោយពីលោក Arteta មើលឃើញថាបច្ចុប្បន្នតំបន់ការពារនៅមានចន្លោះប្រហោងច្រើនមែនទែន៕ប្រភព៖ Dailymail
