បើតាមប្រភពមកពីអង់គ្លេស បានបញ្ជាក់ថាក្រុមហ៊ុន Facebook បានដេញថ្លៃទិញសិទ្ធិ Live ការប្រកួត Premier League នៅអង់គ្លេសបានហើយ ដោយធ្វើការ live ចាប់ពីឆ្នាំ២០១៩ទៅ។
Facebook ដេញថ្លៃឈ្នះនេះ គឺតម្លៃ២០០លានផោន ពោលគឺឱ្យលើសខាងក្រុមហ៊ុន BeIN Sports និង Fox Sports Asia។ តម្លៃនេះ គឺពួកគេដេញថ្លៃឈ្នះក្នុងការ Live ការប្រកួតនៅតំបន់អាស៊ី ដែលមានដូចជា កម្ពុជា, ថៃ, វៀតណាម និងឡាវជាដើម។ យ៉ាងណាមិញ គេមិនទាន់បានបញ្ជាក់យ៉ាងច្បាស់ថាការ Live នេះ នឹង Live គ្រប់ការប្រកួតឬអត់នោះទេ ត្បិតអីតម្លៃត្រឹម២០០លានផោន ត្រូវគេរំពឹងថាអាចនឹង Live បានត្រឹមប្រកួតធំៗប៉ុណ្ណោះ មិនអាចទាំងអស់ឡើយ។
ការ Live របស់ Facebook នឹងមានរយៈពេល៣ឆ្នាំ ចាប់ពីឆ្នាំ២០១៩តទៅ។ ការប្រកួតរបស់ Premier League ១រដូវកាល គឺមាន៣៨០ប្រកួត៕ប្រភព៖ THESUN