នៅក្រោមការទស្សនារបស់មនុស្សជាង ៧ មុឺននាក់នៅឯកីឡដ្ឋានរបស់ក្លឹប Hertha Berlin កាលពីយប់មិញ លទ្ធផលបានបញ្ចប់ទៅនៅបរាជ័យ ៤-០ ដោយសារថ្វីជើងរបស់ក្រុមភ្ញៀវ Bayern Munich។
តាមការវាយតម្លៃលើ WhoScored បានចុចឈ្មោះខ្សែប្រយុទ្ធស្លាប Perisic ទទួលបានពិន្ទុ ១០/១០ ពេញ ក្រោយរូបគេចូលរួមចំណែក Assist ១ លើកនិងរកបាន ១ គ្រាប់ក្នុងការប្រកួត។
ដោយឡែក Lewandowski បាន ៧,៩ ពិន្ទុស្មើនឹង Philippe Coutinho រីឯ Muller បាន ៨,៧ ពិន្ទុ ខណៈដែល Goretzka បាន ៨,៣ ពិន្ទុ និង Thiago ខ្សែបម្រើរបស់ Bayern ក៏លេងបានល្អខ្លាំង ជាមួយនឹងការបញ្ជូនបាល់បានល្អច្រើន គួបផ្សំរកបានមួយគ្រាប់ដែរ រុញឲ្យគេមានពិន្ទុខ្ពស់លំដាប់ទីពីរបាន ៩,៦ ពិន្ទុ។
គួររំឭកថា Bayern Munich កំពុងឈរនៅលេខ ២ មាន ៣៦ ពិន្ទុ ចាញ់ RB Lepizig ចំនួន ៤ ពិន្ទុនៅតារាង Bundesliga រដូវកាល ២០១៩/២០ នេះ៕ ប្រភព៖ WhoScored