ក្រុមហង្សក្រហម Liverpool បានយកឈ្នះលើក្រុម Manchester United ក្នុងលទ្ធផល ២-០ កាលពីយប់មិញនេះ។
លទ្ធផលទទួលបានជ័យជម្នះនេះដែរ ធ្វើឱ្យក្រុម Liverpool កាន់តែដាច់ឆ្ងាយពិន្ទុពីក្រុមលេខ២ទៅទៀតហើយ។ ដោយបច្ចុប្បន្ននេះ ពួកគេដាច់ពិន្ទុក្រុម Man City ដល់ទៅ១៦ពិន្ទុឯណោះ។ បើមើលទៅលើលទ្ធផលនេះ អាចបញ្ជាក់បានថាក្រុមហង្សក្រហម កាន់តែកៀកក្នុងការឈ្នះពានរង្វាន់មែនទែនទៅហើយ ខណៈដែលតាមសមត្ថភាពពេលនេះ គឺគ្មានក្រុមណាអាចបញ្ឈប់ពួកគេមិនឱ្យលើកពានបាននោះទេ។
អស់រយៈពេល៣០ឆ្នាំមកហើយ ដែលក្រុម Liverpool មិនបានលើកពានរង្វាន់លីគកំពូលអង់គ្លេស។ អ្នកគាំទ្រក្លឹបនេះកំពុងរង់ចាំយ៉ាងអន្ទះសាក្នុងការស្គាល់រសជាតិលើកពាននេះឡើងវិញ៕ប្រភព៖ Dailymail