កាតក្រហមរបស់កីឡាករ Fede Valverde ដែលបានបង្កកំហុសទៅលើ Alvaro Morata នៅប្រកួតពានរង្វាន់ Supercopa de Espana វគ្គផ្តាច់ព្រ័ត្រ គឺសម្រេចឲ្យរូបគេត្រូវអវត្តមាននៅប្រកួតដ៏សំខាន់មួយផ្សេងទៀតពេលប៉ះ Sevilla។
នាចុងសប្តាហ៍ថ្ងៃទី ១៨ មករានេះ ស្តេចស Madrid នឹងត្រូវបើកកីឡដ្ឋាន Bernabeu ស្វាគមន៍ Sevilla នៅជំនួបក្របខ័ណ្ឌជុំទី ២០ ខណៈដែលកម្រិតពិន្ទុរបស់ពួកគេកំពុងស្មើគ្នានឹង Barcelona នៅកំពូលតារាង។
បញ្ជាក់ថាការបង្កកំហុសរបស់ Valverde មិនទទួលបានការរិះគន់អ្វីនោះទេ ផ្ទុយទៅវិញត្រូវបានគេសាទររាប់ចូលជាវីរបុរសដ៏សំខាន់ដែលបានជួយ Real Madrid មិនឲ្យចាញ់នៅប្រកួតនោះថែមទៀតផង៕ ប្រភព៖ Marca