ទីផ្សារដោះដូរកីឡាករកាន់តែកៀកជិតមកដល់ ដោយឡែកបើយើងទៅមើលហាងឆេងកីឡាករនៅតំបន់អឺរ៉ុប គឺមានការធ្លាក់ចុះច្រើន ជាពិសេសកីឡាករនៅបណ្តាក្លឹបកំពូលៗដូចជា PSG, Real Madrid និង Barcelona ជាដើម។
ក្នុងនោះគឺ Philippe Coutinho ដែលធ្លាក់ច្រើនបំផុតដល់ទៅ ៧០ លានអឺរ៉ូ ពោលតម្លៃបច្ចុប្បន្នត្រឹម ៧០ លានអឺរ៉ូតែប៉ុណ្ណោះ។ មិនខុសពី Marcelo ខ្សែការពារធ្លាប់មានថ្លៃខ្លួនខ្ពស់ក៏ធ្លាក់អស់ ៥០ លានអឺរ៉ូ មកសល់ត្រឹម ២០ លានអឺរ៉ូ ស្របពេល Ivan Rakitic/Sergio Busquets ដែលមានវ័យកាន់តែចំណាស់ធ្លាក់អស់ ៤០ លានអឺរ៉ូមកសល់ត្រឹម ២៥ និង ៣៥ លានអឺរ៉ូ។
Asensio និង Bale ធ្លាក់ ៤០ លានអឺរ៉ូដូចៗគ្នា រុញឲ្យតម្លៃបច្ចុប្បន្នរបស់អ្នកទាំងពីរថ្លៃត្រឹម ៤០ លានអឺរូ។ អ្នកបន្តបន្ទាប់មានដូចជា Cavani, Lemar, Umtiti និង Fekir ធ្លាក់អស់ ៣០ លានអឺរ៉ូព្រមគ្នា៕ ប្រភព៖ TransferMarkt