មុនការប្រកួតរវាងក្រុម Arsenal កើតឡើងនៅមួយម៉ោងបន្ទាប់ ក្លឹប Everton ស្រាប់តែធ្វើឲ្យអ្នកគាំទ្រភ្ញាក់ផ្អើលតាមរយៈសេចក្តីប្រកាសផ្លូវការពីបេក្ខភាពអ្នកចាត់ការថ្មីនោះគឺលោក Carlo Ancelotti។
អតីតអ្នកចាត់ការក្លឹប Napoli ទំនេរជើងមិនបានប៉ុន្មានសប្តាហ៍ផង ក៏ត្រូវបានក្រុមស្ករគ្រាប់ Everton ទាញយករូបលោកមកអង់គ្លេសបានដោយជោគជ័យ។ លោកបាននិយាយប្រាប់គេហទំព័រផ្លូវការថា៖ “នេះជាក្លឹបដ៏ល្អមួយដែលមានប្រវត្តិសាស្រ្តដ៏អស្ចារ្យនិងអ្នកគាំទ្រដ៏អង់អាច ហើយជាមួយនឹងចក្ខុវិស័យរបស់អ្នកគ្រប់គ្រងនិងក្រុមប្រឹក្សាភិបាលដែលត្រួសត្រាយផ្លូវអាចឲ្យក្លឹបឆ្ពោះទៅរកភាពជោគជ័យនិងការគ្រោងពានរង្វាន់”។
បញ្ជាក់ថាបុរសវ័យ ៦០ ឆ្នាំធ្លាប់ដឹកនាំឈ្នះ UCL ៣ លើកអំឡុងពេលនៅក្លឹប AC Milan និង Real Madrid ខណៈនៅ Premier League លោកក៏ធ្លាប់ឈ្នះពានរង្វាន់មួយនេះដែរពេលដឹកនាំ Chelsea រីឯនៅបារាំងក៏ឈ្នះពានលីគមួយថែមទៀតកាលពីឆ្នាំ ២០១៣៕ ប្រភព៖ Twitter