ក្រុមកាំភ្លើងធំ Arsenal កំពុងត្រៀមតែងតាំងលោក Mikel Arteta ឱ្យធ្វើជាអ្នកចាត់ការក្រុមឱ្យបានលឿនបំផុត ដើម្បីស្រោចស្រង់ក្លឹបឡើងវិញ។
ថ្នាក់ដឹកនាំរបស់ក្រុមកាំភ្លើងធំ បានជួបជាមួយអតីតកីឡាកររបស់ខ្លួនខាងលើរួចហើយ។ ស្របពេលនៅក្លឹប Manchester City វិញ លោក Pep ក៏មិនហាមឃាត់ប្រសិនបើ Arteta ពិតជាចង់ចាកចេញដើម្បីកសាងការងារថ្មីផងដែរ។ ប្រសិនបើមិនមានអ្វីប្រែប្រួលទេ ក្រុមកាំភ្លើងធំនឹងធ្វើការប្រកាសតែងតាំងក្នុងពេលឆាប់ៗខាងមុខនេះ ដើម្បីឱ្យទាន់ពេលប្រកួតដ៏មមាញឹកនៅ Boxing Day ។
Arteta បានចាប់អាជីពជាគ្រូជំនួយជាមួយលោក Pep ហើយទទួលបានការសរសើរជាច្រើន។ បច្ចុប្បន្ននេះ រូបគេបានក្លាយជាដៃស្ដាំរបស់ Pep ទៅហើយ ក្នុងការដឹកនាំក្រុម Man City ឱ្យជោគជ័យនិងឈ្នះពានរង្វាន់ជាច្រើនកន្លងមក៕ប្រភព៖ Dailymail