ក្រុមកាំភ្លើងធំ Arsenal បានបរាជ័យក្រោមថ្វីជើងក្រុម Manchester City ក្នុងលទ្ធផល ៣-០ ក្នុងការប្រកួតពានរង្វាន់លីគកំពូលអង់គ្លេស។
សម្រាប់ការប្រកួតក្នុងដីខ្លួនឯងនេះ ក្រុមកាំភ្លើងធំ Arsenal គ្មានអ្វីដែលអាចតដៃជាមួយក្រុម Man City បានឡើយ។ ក្រុមរបស់លោក Pep បានគ្របលើក្រុមកាំភ្លើងធំ រហូតទទួលបានគ្រាប់បាល់៣គ្រាប់ដែលកើតចេញពី De Bruyne ២គ្រាប់ និង Sterling ១គ្រាប់។
តែទោះជាយ៉ាងណាក្ដី លោក Freddie Ljungberg គ្រូដឹកនាំក្រុមបណ្ដោះអាសន្នរបស់ក្រុម Arsenal បានបញ្ជាក់ថាប្រកួតនេះលោកពេញចិត្តជាមួយកូនក្រុម បើទោះជាលទ្ធផលមិនល្អក៏ដោយ។ ប្រកួតនេះ លោកបានប្រើប្រាស់កីឡាករក្មេងៗលេង ហើយពួកគេប្រឹងប្រែងអស់ពីសមត្ថភាព។ នេះជាជំហានមួយសម្រាប់ក្រុមដែលអភិវឌ្ឍក្រុមយុវជន និងផ្ដល់ឱកាសឱ្យពួកគេបានចូលលេង៕ប្រភព៖ Dailymail
