Red Bull Arena Salzburg ជាកីឡដ្ឋានរបស់ក្រុមអូទ្រីសនឹងត្រូវបើកទ្វារស្វាគមន៍ក្រុមអង់គ្លេស Liverpool នៅជំនួបតតាំងជុំទី ៦ ក្នុងវគ្គជម្រុះតាមពូលពានរង្វាន់ UEFA Champions League។
សម្រាប់ក្រុមទាំងពីរគឺត្រូវការជ័យជម្នះជាចាំបាច់រៀងខ្លួន ព្រោះក្រុមលេខ ១,២,៣ នៅពូល E នេះ គឺមានលំដាប់ពិន្ទុប្រកៀកប្រកិតគ្នាទាំងស្រុង និងមិនទាន់មានក្រុមណាមួយបានកក់កៅអីនៅឡើយ។
បច្ចុប្បន្នហង្សមាន ១០ ពិន្ទុ (គ្រាប់បាល់ចំណេញ ៣ គ្រាប់), Napoli មាន ៩ ពិន្ទុ (គ្រាប់បាល់ចំណេញ ៣ គ្រាប់) និង Red Bull មាន ៧ ពិន្ទុ (គ្រាប់បាល់ចំណេញ ៥ គ្រាប់)។
ក្រុមការពារជើងឯករដូវកាលចាស់ (Liverpool) គឺត្រូវការជ័យជម្នះឬស្មើជាចាំបាច់ ដើម្បីធានាបានថាកៅអីនៅវគ្គបន្ទាប់ជារបស់ខ្លួន ពោលប្រសិនណាត្រូវបរាជ័យនោះភាគរយនៃការបន្តគឺមានទាបបំផុត ព្រោះ Napoli ដែលប៉ះ Genk ក៏ក្រុមអ៊ីតាលីប្រឹងបុកយកឈ្នះមិនឲ្យភ្លាត់នោះដែរ។ (ករណី Liv ចាញ់ Napoli ឈ្នះ →នាំឲ្យ Liv ត្រូវធ្លាក់)
រឿងដ៏គួរឲ្យចាប់អារម្មណ៍មួយផ្សេងទៀត នោះគឺ Erling Haaland ដែលជា Top Scorer ឈរតំណែងទីពីរបច្ចុប្បន្នរកបាន ៨ គ្រាប់ ដែលយុវជនរូបនេះគឺជាអាវុធមុតស្រួចបំផុតដែលហង្សត្រូវប្រយ័ត្នប្រយែងនៅរាត្រីម៉ោង ១២:៥៥ នាទីនេះ៕