ក្រុម leicester City បានយកឈ្នះលើក្រុម Aston Villa ក្នុងលទ្ធផល ៤-១ នាការប្រកួតលីគកំពូលអង់គ្លេស នៅយប់មិញនេះ ដែលធ្វើឱ្យពួកគេកំពុងប្រដេញតាមពិន្ទុជាមួយក្រុម Liverpool ។
Jamie Vardy ខ្សែប្រយុទ្ធមុតស្រួចរបស់ក្រុម Leicester City រកបានគ្រាប់បាល់៨ប្រកួតជាប់គ្នាហើយឱ្យក្រុមមួយនេះ ហើយលទ្ធផលវិញក៏ល្អគាប់ចិត្តថែមទៀត ពោលគឺបច្ចុប្បន្ននេះពួកគេឈរនៅចំណាត់ថ្នាក់លេខ២ក្នុងតារាង។ មួយវិញទៀតបើធៀបជាមួយក្រុមកំពូលតារាង គឺក្រុម Leicester City ចាញ់តែ៨ពិន្ទុប៉ុណ្ណោះ។
លោក Rodgers អ្នកចាត់ការក្រុម Leicester City បាននិយាយដែរថាក្រុមរបស់លោកធ្វើបានល្អសម្រាប់ការប្រកួតនេះ។ ពេលនេះ លោកមិនគិតពីពានរង្វាន់អ្វីនៅឡើយទេ ព្រោះនៅចាញ់ពិន្ទុក្រុមលេខ១ឆ្ងាយ។ អ្វីដែលក្រុមត្រូវគិត គឺប្រកួតបន្ទាប់ត្រូវធ្វើឱ្យបានល្អបំផុត ដើម្បីស្វែងរក៣ពិន្ទុបន្ថែម៕ប្រភព៖ Dailymail