អ្នកស្រី Celia Cuccittini ម្ដាយរបស់កីឡាករ Lionel Messi បានបង្ហើបអារម្មណ៍ផ្ទាល់ខ្លួនថា ពានរង្វាន់Ballon d’Or ទី៥ អាចជាពានចុងក្រោយដែលកូនអ្នកស្រីឈ្នះហើយ។
កីឡាករ Barcelona ខាងលើឈ្នះពានរង្វាន់ Ballon d’Or លើកទី៥នៅឆ្នាំ២០១៥កន្លងទៅ ហើយទើបនឹងឈ្នះពានរង្វាន់នេះលើកទី៦ ក្នុងឆ្នាំ២០១៩នេះឯង។ ការឈ្នះពានរង្វាន់នៅឆ្នាំនេះ គឺប្រដេញគ្នាជាមួយខ្សែការពារ Van Dijk របស់ក្រុម Liverpool តែម្ដង ពោលគឺ Messi ឈ្នះពិន្ទុពីការបោះឆ្នោតត្រឹមតែ៧ពិន្ទុប៉ុណ្ណោះ។
ជាមួយការឈ្នះលើកនេះដែរ ម្ដាយរបស់ Messi បាននិយាយដែរថា៖ “គាត់បានធ្វើឱ្យយើងភ្ញាក់ផ្អើលគ្រប់ពេលវេលាសម្រាប់អ្វីដែលគាត់បានធ្វើ។ យើងមិនបានរំពឹងថាគាត់ឈ្នះពាននេះម្ដងទៀតទេ យើងគិតថាពាន Ballon d’or ទី៥ គឺជាពានចុងក្រោយរបស់គាត់ហើយ។ ការឈ្នះលើកទី៦នេះ គឺពិតជាធ្វើឱ្យយើងភ្ញាក់ផ្អើលខ្លាំងណាស់”៕ប្រភព៖ Marca
