លោក Pep Guardiola អ្នកចាត់ការក្រុម Man City បានបញ្ជាក់ថាលោកមិនចង់បានកីឡាករថ្មីឡើយ សម្រាប់ទីផ្សារដោះដូរកីឡាករនាខែមករាឆ្នាំ២០២០នេះ។
Man City នារដូវកាលនេះ លេងមិនល្អឡើយ ដោយដាច់ឆ្ងាយពីកំពូលតារាង ពិបាកក្នុងការការពារតំណែងជើងឯករបស់ខ្លួនណាស់។ ការលេងមិនបានល្អនេះ ដោយសារតែកីឡាករសំខាន់ៗក្នុងក្រុមមួយចំនួនបានរងរបួស មិនអាចចូលលេងជួយក្រុមបានឡើយ។ កត្តានេះ ទើបធ្វើឱ្យទម្រង់លេងក្រុមធ្លាក់ចុះបន្តិច ពិបាកការពារសំណាញ់ទី និងរកគ្រាប់បាល់។
ត្បិតតែមានកីឡាកររបួសច្រើនក្ដី លោក Pep បានបញ្ជាក់ថានឹងមិនចង់បានកីឡាករថ្មីណាម្នាក់មករួមក្រុមឡើយនៅខែមករា។ លោកថា សមាសភាពកីឡាករក្នុងក្រុមបច្ចុប្បន្នគឺគ្រប់គ្រាន់សម្រាប់លោកប្រើប្រាស់ហើយ ដូច្នេះមិនចាំបាច់ទាមទារថ្នាក់ដឹកនាំដើម្បីយកកីឡាករថ្មីណាម្នាក់មករួមក្រុមឡើយ៕ប្រភព៖ Dailymail
