ខ្សែប្រយុទ្ធ Lionel Messi រកគ្រាប់បាល់បាន១គ្រាប់ជួយក្រុម Barcelona យកឈ្នះលើក្រុម Dortmund ក្នុងលទ្ធផល ៣-១ នៅវគ្គសន្សំពិន្ទុពានរង្វាន់ UEFA Champions League ។
១គ្រាប់នៅយប់មិញនេះ បានធ្វើឱ្យ Messi មានកំណត់ត្រាល្អមួយ ដោយគិតទាំង Dortmund នេះទៀត រូបគេស៊ុតចូលក្រុមផ្សេងៗដល់ទៅ៣៤ក្រុមហើយ ដោយលើសកំណត់ត្រារបស់ Ronaldo ទៅទៀត។ កីឡាករ Juventus មានត្រឹម៣៣ក្រុមប៉ុណ្ណោះ ដែលខ្លួនធ្លាប់ស៊ុតបញ្ចូលទី។
ក្រៅពីកំណត់ត្រានេះហើយ ជ័យជម្នះនៅយប់មិញក៏បានធ្វើឱ្យក្រុម Barcelona កក់កៅអីឡើងជុំបន្ដ១៦ក្រុមចុងក្រោយផងដែរ។ ក្នុងពូលនេះ Dortmund និង Inter Milan នៅប្រជែងគ្នាសិន ក្នុងការប្រកួត១ប្រកួតចុងក្រោយ ព្រោះពេលនេះ Inter Milan នៅលេខ២ Dortmund នៅលេខ៣។ ពួកគេមាន៧ពិន្ទុស្មើគ្នា ដោយគ្រាន់តែ Milan មានគ្រាប់ចំណេញ១គ្រាប់ និង Dortmund -១ ៕ប្រភព៖ Dailymail
