ក្រុម Juventus ទាមទារលទ្ធផលឈ្នះដាច់ខាតលើក្រុម Atletico Madrid នៅរាត្រីនេះ ក្នុងការប្រកួតពានរង្វាន់ UEFA Champions League ។
Juventus ទោះសល់២ប្រកួតក្នុងដៃ ប៉ុន្តែពួកគេបានកក់កៅអីឡើងទៅជុំបន្ដរួចទៅហើយ។ តែទោះជាយ៉ាងនេះក្ដី លោក Sarri អ្នកចាត់ការក្រុម Juventus នៅតែទាមទារឱ្យកូនក្រុមរបស់ខ្លួនព្យាយាមលេងឱ្យអស់ពីសមត្ថភាពបន្ថែមទៀត ដើម្បីយកឈ្នះលើក្រុម AT Madrid រក្សាតំណែងកំពូលតារាងក្នុងពូល។ លោក បញ្ជាក់ថាការលេងដើម្បីតែបានឡើងជុំបន្ដ ដូចលេងដើម្បីស្លាប់អីចឹង។
អ្នកចាត់ការដែលពូកែខាងជក់បារីខាងលើនេះបាននិយាយថា៖ “AT Madrid បានក្លាយជាដៃគូប្រជែងខ្លាំងបំផុតមួយសម្រាប់ក្រុមទាំងអស់ដែលជួបពួកគេ។ វាពិបាក ព្រោះប្រសិនបើយើងគិតថាយើងបានឡើងទៅជុំបន្ដរួចហើយ ដោយលេងមិនចាំបាច់ប្រឹងនោះ យើងគឺដូចស្លាប់អីចឹង។ យើងត្រូវតែគិតពីចំណាត់ថ្នាក់លេខ១ក្នុងតារាង និងបន្ដជ័យជម្នះរបស់យើង”៕ប្រភព៖ Marca