ក្រុម Real Madrid រៀបគម្រោងថ្មីទៀត ដើម្បីទិញយក Pogba ពីក្រុម Manchester United នៅខែមករាខាងមុខនេះ ដោយមាន Bale ជាថ្នូរ។ក្រុមរបស់លោក Zidane ជឿជាក់ថាលោក Ole និងកីឡាករ Pogba អាចនឹងចែកផ្លូវគ្នាដើរហើយ ក្រោយពីមិនអាចធ្វើការជាមួយគ្នាបានល្អនារដូវកាលនេះ។ ក្នុងនោះ ពួកគេយល់ទៀតថា ក្រុម Man Utd អាចនឹងត្រូវការខ្សែប្រយុទ្ធស្លាបម្នាក់ទៀត ដើម្បីបង្កើនកម្លាំងប្រយុទ្ធនៅខាងលើ ជាជាងតំបន់បម្រើ។ ដូច្នេះហើយទើប Real Madrid មានបំណងយក Bale ឱ្យទៅ Man Utd ហើយពួកគេនឹងថែមលុយទៀត ដើម្បីយក Pogba ត្រលប់មកវិញ។
មិនមានការតបតអ្វីនៅឡើយទេពីសំណាក់ក្រុម Man Utd ប៉ុន្តែការព្យាយាមទិញកីឡាករបារាំងនេះ គឺ កើតមានតាំងពីរដូវកាលដោះដូរកីឡាករកន្លងទៅម្ល៉េះ ប៉ុន្តែមិនអាចទៅរួចព្រោះបិសាចក្រហមដាក់តម្លៃខ្លួនខ្ពស់ពេក។ ដោយឡែក Bale ឯណោះវិញ ក៏ជាកីឡាករ Real Madrid ចង់លក់កាលពីរដូវក្ដៅដូចគ្នា ប៉ុន្តែមិនអាចលក់ចេញបាន ព្រោះសាមីខ្លួនមិនព្រមទៅ៕
ប្រភព៖ DailyMail