ក្រុម Real Madrid ត្រៀមប្រាក់៣៤០លានផោន ដើម្បីយកខ្សែប្រយុទ្ធ Kylian Mbappe ឱ្យបាននៅពេលខាងមុខនេះ ពីក្រុម PSG ។
ក្រុមអធិរាជសនេះ ក្រោមការដឹកនាំរបស់លោក Zidane ចង់បានកីឡាករវ័យ២០ឆ្នាំខាងលើតាំងពីរដូវក្ដៅកន្លងទៅម្ល៉េះ ប៉ុន្តែមិនអាចយកបាន ព្រោះពួកគេមានខ្ទង់ចំណាយច្រើនខ្លាំងទៅហើយ។ ដូច្នេះមានតែចាំនៅរដូវកាលដោះដូរកីឡាករខាងមុខទៀត ទើបអាចជជែក និងដាក់តម្លៃទិញយកជាថ្មីម្ដងទៀតបាន។
ប្រភពនៅបារាំងបានបញ្ជាក់ថាលើកនេះ ក្រុម Real Madrid ត្រៀមដល់ទៅ៣៤០លានផោនឯណោះឱ្យទៅក្រុម PSG ដើម្បីឱ្យពួកគេលក់ Mbappe ។ តម្លៃនេះ គេជឿជាក់ថាក្រុម PSG នឹងមិនអាចប្រកែកបានឡើយ ត្បិតអីខ្សែប្រយុទ្ធបារាំងខាងលើក៏មានចិត្តចង់ទៅលេងនៅ Real Madrid ជាមួយ Idol របស់គេ Zidane ដូចគ្នា។ ប្រសិនបើមានការផ្ទេរតម្លៃនេះមែន នោះវានឹងក្លាយជាការផ្ទេរខ្ពស់បំផុតនៅលើលោក បំបែកកំណត់ត្រារបស់ Neymar នៅឆ្នាំ ២០១៧ ផ្ទេរមក PSG ក្នុងតម្លៃ១៩៨លានផោន៕ប្រភព៖ Dailymail
