Bastian Schweinsteiger អតីតកីឡាករ Bayern Munich ចង់ឃើញលោក Jose Mourinho ទៅដឹកនាំក្រុមយក្សអាល្លឺម៉ង់នេះ ក្រោយពីក្លឹបទើបបណ្ដេញលោក Kovac ចេញពីតំណែង។
Bayern បានបណ្ដេញលោក Niko Kovac ចេញពីតំណែង ក្រោយពីដឹកនាំក្រុមចាញ់ក្រុម Frankfurt ៥-១ កាលពីចុងសប្ដាហ៍មុននេះ។ បរាជ័យនេះហើយ ទើបធ្វើឱ្យថ្នាក់ដឹកនាំក្រុមមិនសប្បាយចិត្ត រហូតសម្រេចចិត្តដកអ្នកចាត់ការនេះចេញពីតំណែងតែម្ដង។ បច្ចុប្បន្ន Bayern Munich មិនទាន់មានអ្នកចាត់ការថ្មីទេ ដោយយកគ្រូជំនួយមកដឹកនាំក្រុមបណ្ដោះអាសន្នសិន មុនពេលរកអ្នកថ្មីបាន។
ជាមួយគ្នានេះដែរ Bastian Schweinsteiger ដែលជាអតីតកីឡាករ Bayern Munich ច្រើនឆ្នាំមកនោះ បានបង្ហាញអារម្មណ៍ថាលោកចង់បាន Jose Mourinho ទៅដឹកនាំក្រុមនេះបន្ដ។ បុរសវ័យ៣៥ឆ្នាំបានបន្ថែមទៀតថា Jose ជាបេក្ខភាពសក្ដិសមណាស់ ហើយអ្នកចាត់ការរូបនេះក៏បានត្រៀមខ្លួនជាស្រេចក្នុងការទៅដឹកនាំក្រុមធំដូចជា Bayern Munich នេះដែរ៕ប្រភព៖ Dailymail