លោក Jindrich Trpisovsky គ្រូបង្វឹកក្រុម Slavia Prague បានប្រាប់កូនក្រុមទាំងអស់ថានរណាក៏ដោយ ឱ្យតែបិទ Messi ជាប់ គឺនឹងមានឈ្មោះក្នុងប្រវត្តិសាស្ត្រហើយ។
ក្រុម Slavia Prague នឹងត្រូវបើកកីឡដ្ឋានរបស់ខ្លួនស្វាគមន៍ក្រុម Barcelona ក្នុងជំនួបពានរង្វាន់ UEFA Champions League នៅម៉ោង២រំលងអាធ្រាត្រនេះ។ មុនការប្រកួតនេះចាប់ផ្ដើម ក្រុម Slavia ហាក់បីដូចជាដឹងខ្លួនថាពិបាកយកឈ្នះបាត់ទៅហើយ។ ជាក់ស្ដែង លោក Jindrich Trpisovsky គ្រូបង្វឹកក្រុម Slavia Prague បានបញ្ជាក់ថាក្រុមអ្នកមានបុណ្យរកគ្រាប់បាល់បានច្រើនជាងក្រុមលោកប្រកួតទៅទៀត។
អ្វីដែលពិសេស Messi ដែលជាប្រធានក្រុមតែម្ដង។ លោក Jindrich បានបញ្ជាក់ថា Messi ជាកីឡាករល្អបំផុតលើលោកដែលអាចកែប្រែការប្រកួតបាន។ ដូច្នេះនៅរាត្រីនេះ ឱ្យតែមានកីឡាករអាចបិទខ្សែប្រយុទ្ធអាហ្សង់ទីនបាន នោះនឹងត្រូវចារឈ្មោះក្នុងប្រវត្តិសាស្ត្រហើយ៕ប្រភព៖ Marca