ការប្រកួតរវាងក្រុម Barcelona ទល់ក្រុម Real Madrid នៅថ្ងៃទី២៦តុលាខាងមុខនេះ ត្រូវលើកពេលសិន ដោយសារតែតំបន់កាតាឡាន់កំពុងមានបញ្ហាចលាចល។
ក្រុមបាតុករជាច្រើនបាននាំគ្នាតវ៉ា ទាក់ទងទៅនឹងការដាក់ទោសអ្នកនយោបាយម្នាក់ដែលទាមទារឱ្យតំបន់កាតាឡាន់ផ្ដាច់ខ្លួនពីអេស្ប៉ាញ។ បញ្ហាកើតឡើង រហូតមានដល់ហិង្សានេះ បានធ្វើឱ្យប្រធាន La Liga មិនអនុញ្ញាតឱ្យមានការប្រកួតនៅកីឡដ្ឋាន Camp Nou ឡើយនៅថ្ងៃទី២៦ខាងមុខនេះ។ La Liga បានផ្ដល់ជម្រើស១ដល់ក្រុម Barcelona និង Real Madrid ដែរ ដោយផ្លាស់ប្ដូរមកលេងនៅ Bernabue ប៉ុន្តែក្រុមទាំងពីរមិនព្រមតាមការស្នើសុំ។
ដូច្នេះហើយ ការប្រកួត El Clasico ខាងមុខនេះ នឹងត្រូវលើកពេលសិន ដោយថ្ងៃចន្ទទើបអាចប្រកាសកាលវិភាគប្រកួតថ្មីបាន៕ប្រភព៖ Dailymail
