ក្លឹប Real Madrid បានដាក់កាលបរិច្ឆេទជាក់លាក់របស់ខ្លួនក្នុងការចរចានាំយក Kylian Mbappe មកចូលរួមជាមួយខ្លួននារដូវក្តៅឆ្នាំ២០២១។ នេះបើតាមសារព័ត៌មាន Marca បានចុះផ្សាយ។
ក្លឹប Los Blancos ដែលដឹកនាំដោយប្រធានលោក Florentino Perez នៅតែបន្តចាប់អារម្មណ៍លើយុវជនសញ្ជាតិបារាំងរូបនេះដដែល ប៉ុន្តែគោលដៅគឺរង់ចាំឲ្យតម្លៃខ្លួនរយលានរបស់គេរាងធ្លាក់ចុះបន្តិចសិន។
Mbappe សព្វថ្ងៃជាប់កុងត្រាជាមួយ PSG ដល់ឆ្នាំ ២០២២ បែបនេះបើ Real លូកដៃនៅឆ្នាំ ២០២១ ហើយសាមីខ្លួនពុំទាន់មានការបន្តកុងត្រាជាមួយក្លឹបបារាំង នោះតម្លៃខ្លួនរបស់គេពិតណាស់នឹងមានការធ្លាក់ចុះធៀបនឹងបច្ចុប្បន្ន៕ ប្រភព៖ Goal