Schweinsteiger ​ប្រកាស​ចូល​និវត្ត​ពី​បាល់ទាត់​ហើយ​

វីរបុរស​បាល់ទាត់​អាល្លឺម៉ង់ Bastian Schweinsteiger បាន​ប្រកាស​ចូល​និវត្តន៍​ហើយ ​នៅ​ត្រឹម​វ័យ​៣៥​ឆ្នាំ ក្រោយ​ពី​ចំណាយ​ពេល​ដល់​ទៅ​១៧​ឆ្នាំ​ជាមួយ​បាល់ទាត់​។

ខ្សែ​បម្រើ​ដែល​ធ្លាប់​លេង​នៅ​ Bayern Munich , Manchester United ​និង​ចុង​ក្រោយ​នៅ​លីគ​អាមេរិក ​បាន​ប្រកាស​ពី​ការ​ចូល​និវត្តន៍​របស់​ខ្លួន ​នៅ​លើ​បណ្ដាញ​សង្គម​។ ការ​ចូល​និវត្តន៍​របស់  Bastian ​នេះ គឺ​ក្រោយ​ពី​លោក​បាន​ចំណាយ​ពេល​១៧​ឆ្នាំ​ជាមួយ​វិស័យ​នេះ ហើយ​ខ្លួន​បញ្ជាក់​ថា​វា​ល្មម​ដល់​ពេល​ដែល​ត្រូវ​សម្រាក​ហើយ។

Bastian Schweinsteiger ធ្លាប់​បាន​សាង​ស្នាដៃ​ជា​ច្រើន ​ដូចជា​ឈ្នះ​ពាន​រង្វាន់ Bundesliga ​៨ UEFA Champions League ​១​និង​ពាន​រង្វាន់ Cup ​ជាមួយ​ក្រុម Bayern Munich។ នៅ​ក្លឹប Man Utd ​វិញ ​លោក​ឈ្នះ​បាន FA Cup ​បាន​មួយ​ដង​ផង​ដែរ។ ​ដោយ​ឡែក​នៅ​ជម្រើស​ជាតិ​អាល្លឺម៉ង់ ​ជួយ​ក្រុម​នេះ​ឈ្នះ World Cup 2014 ៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT
  • អត្ថបទថ្មី