Griezmann បាននិយាយថាខ្លួនកម្របាននិយាយជាមួយ Lionel Messi ណាស់ ដូច្នេះហើយទើបការលេងមិនសូវជាស៊ីចង្វាក់គ្នាប៉ុន្មានប្រកួតមកនេះ។
ក្រុម Barcelona នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Inter Milan ក្នុងការប្រកួតពានរង្វាន់ UEFA Champions League នៅរាត្រីម៉ោង២នេះ។ វាជាជំនួបតានតឹងមួយសម្រាប់ក្រុមអ្នកមានបុណ្យ ព្រោះថា Inter Milan ក្រោមការដឹកនាំរបស់លោក Conte ពិតជាមានទម្រង់លេងល្អណាស់ ដោយក្នុងលីគមិនទាន់ស្គាល់ពាក្យចាញ់នៅឡើយទេ ឈ្នះគ្រប់ប្រកួតតែម្ដង។
ដោយឡែកសម្រាប់ក្រុមអ្នកមានបុណ្យវិញ មុនការប្រកួត Antoine Griezmann បាននិយាយពីការចូលលេងឱ្យក្រុមនេះដើមរដូវកាលថា៖ “ខ្ញុំកម្របាននិយាយជាមួយ Messi ណាស់។ គាត់មិនមែនជាមនុស្សដែលនិយាយច្រើន ដូចខ្ញុំដែរ។ ដូច្នេះវាពិបាក។ ខ្ញុំធ្លាប់បានហៅគាត់ផឹកតែ ហើយយើងមានគោលដៅតែមួយ។ ប៉ុន្តែគាត់របួសច្រើន ដូច្នេះវាពិបាកក្នុងការធ្វើឱ្យយើងលេងយល់ចិត្តគ្នា”៕ប្រភព៖ Dailymail
