ក្រុម Bayern Munich បានផ្ដល់មេរៀនឈឺចាប់បំផុតមួយដល់ក្រុម Spurs នៅយប់មិញ ដោយយកឈ្នះក្នុងដីរបស់ពួកគេ លទ្ធផលដល់ទៅ ៧-២ ឯណោះពានរង្វាន់ UEFA Champios League ។
បរាជ័យនេះ គឺជាបរាជ័យធំបំផុតមួយរបស់ក្រុម Spurs ក្នុងពានរង្វាន់ UCL ហើយវាក៏ធ្វើឱ្យតំណែងអ្នកចាត់ការ Mauricio Pochettino រង្គោះរង្គើផងដែរ។ ជាមួយគ្នានេះដែរ Rio Ferdinand អតីតកីឡាករបាល់ទាត់ម្នាក់ និងបច្ចុប្បន្នជាអ្នកវិភាគនៅទូរទស្សន៍ បានបង្ហាញយោបល់ថាក្រុម Spurs កំពុងមានបញ្ហាច្រើនដែលត្រូវដោះស្រាយ ប្រសិនបើពួកគេចង់បានលទ្ធផលល្អវិញ។
ទាក់ទិននឹងរឿងកីឡាករ Rio ក៏ប្រាប់ទៅ Harry Kane ប្រធានក្រុម Spurs ថាគួរដល់ពេលត្រូវចាកចេញពីក្លឹបនេះហើយ ប្រសិនបើរូបគេចង់ឈ្នះពានរង្វាន់។ សមត្ថភាពរបស់ Kane សក្ដិសមជាមួយក្រុមធំៗជាច្រើន ហើយត្រឹមវ័យ២៦ឆ្នាំ រូបគេនៅមានពេលច្រើនទៀត ដើម្បីលើកពានរង្វាន់ ក៏ដូចជាឈ្នះពានរង្វាន់ផ្ទាល់ខ្លួន៕ប្រភព៖ Dailymail
