Tottenham បានបន្តបរាជ័យយ៉ាងស្ពឹកមុខក្នុងទឹកដីរបស់ខ្លួនឯង ក្រោយក្រុមភ្ញៀវ Bayern Munich ចូលមកបំបែកនៅលទ្ធផល ៧-២។ Spurs ដែលស្មើ ១ ចាញ់ ១ បានខ្ទាតមកលេខ ៣ នៅពូល B ខណៈ Bayern ឡើងបាន ៦ ពិន្ទុឈរដាច់គេ។
ការស៊ុតចំនួន ១៩ លើក ក្រុមភ្ញៀវនៃក្លឹបអាល្លឺម៉ង់រកបានដោយកីឡាករ Joshua Kimmich, Robert Lewandowski (ពីរគ្រាប់) និងអតីតកីឡាករនៅក្លឹបកាំភ្លើងធំគឺ Serge Gnabry បំបែកបាន ៤ គ្រាប់ម្នាក់ឯង។ ខណៈ Spurs រកបានដោយខ្សែប្រយុទ្ធអាស៊ី Son Heung-min នៅនាទី ១២ និង Harry Kane ស៊ុតបាល់ពិន័យ ១១ ម៉ែត្រនៅនាទី ៦១។
ទស្សនាវីដេអូ Highlight ខាងក្រោម៖
https://www.youtube.com/watch?v=KYifx0vsFFI
បញ្ជាក់ថា Bayern កំពុងក្លាយជាក្លឹបនាំមុខការរកគ្រាប់បាល់ ១០ គ្រាប់ច្រើនបំផុតនៅពីរប្រកួតបើកឆាកដំបូង ខណៈខ្សែបម្រើ Gnabry ក៏ជាតំណែង Top Scorer រកបាន ៤ គ្រាប់ម្នាក់ឯងផងដែរ ខណៈ Orsic, Lewandowski និង Haaland បាន ៣ គ្រាប់ឈរនៅលេខបន្ទាប់៕